جب میں کشمیر پریمیئر لیگ کیلئے آ رہا تھا تو ایک انڈین کھلاڑی نے کال کرکے دھمکی دی۔۔ ہرشل گبز کا انکشاف
ساؤتھ افریقہ کے سابق سٹار کھلاڑی ہرشل گبز نے ایک نیا پنڈورا باکس کھول دیا ہے ، گزشتہ روز ایک انٹرویو کے دوران انہوں نے کشمیر پریمیئر لیگ کے حوالے سے کچھ باتوں کا انکشاف کیا ، ہرشل گبز کا کہنا تھا کہ جب وہ کشمیر پریمیئر لیگ کیلئے پاکستان آ رہے تھے تو ، انڈین کرکٹ بورڈ کے چیئرمین سرو گنگولی نے انہیں کال کی ، اور ان کو دھمکی آمیز لہجے میں کہا کہ اگر آپ پاکستان میں کشمیر پریمیئر لیگ کھیلنے کیلئے جاتے ہیں تو انڈیا آپ کے اوپر تمام دروازے بند کر دئیے جائے گے، اور انڈیا میں آپ کو کرکٹ کے حوالے سے کسی بھی ایونٹ میں شامل نہیں کیا جائے گا ۔
ہرشل گبز کا کہنا تھا کہ کرکٹ ایک کھیل ہے ، اس کو کھیل کی حد تک رکھنا چاہیے ، پاکستان اور انڈیا کرکٹ کے ذریعے امن کا راستہ اختیار کر سکتے ہیں ، اور کرکٹ کو سیاست سے دور رکھنا چاہیے ۔ اگر دیکھا جائے تو انڈیا ہمیشہ سے ہی کرکٹ کے اندر سیاست کو شامل کر لیتا ہے ، اور انڈیا کی یہ کوشش رہی ہے کہ وہ پاکستان میں کرکٹ کو کسی طور پر بحال نہ ہونے دے ، مگر ایسا نہیں کر سکا ، آسٹریلیا کی ٹیم پاکستان کے دورے پے ہے ، ویسٹ انڈیز نے دورہ پاکستان کا اعلان کر دیا ہے ، انگلینڈ بھی اس سال پاکستان آئے گی۔ جبکہ باقی تمام ٹیمیں پاکستان آ کر کھیلنے کیلئے تیار ہیں، پاکستان کرکٹ سے محبت کرنے والا ملک ہے ، اسے کرکٹ سے دور نہیں رکھا جا سکتا۔۔
