رمیز راجہ کی جگہ کون سے سابق پاکستانی لیجنڈ کھلاڑی پی سی بی چیئرمین بننا چاہتے تھے؟ بھارتی میڈیا نے بڑا دعویٰ کر دیا
پی ای بی چیئرمین بننا ہر سابق کھلاڑی کا ایک خواب ہے. مگر انڈیا کے ایک معروف نیوز میڈیا ٹائمز آف انڈیا نے اپنی خبر میں پی سی بی ذرائع کا حوالہ دیتے ہوئے دعویٰ کیا کہ احسان مانی کی مدتِ ملازمت کے ختم ہونے پر لیجنڈری وسیم اکرم نے اس پوسٹ کے لیے دلچسپی کا اظہار کیا تھا۔
رپورٹ میں یہ بھی کہا گیا کہ وزیراعظم نے وسیم اکرم پر رمیز راجہ کو ترجیح دی اور چیئرمین پی سی بی کے لیے انہیں ہی نامزد کیا۔وسیم اکرم پی سی بی کرکٹ کمیٹی کے ممبرز اور پی ایس ایل میں کراچی کنگز کے کوچز میں بھی شامل ہیں، آج کل وہ اہلیہ اور بیٹی سے ملنے آسٹریلیا میں موجود ہیں۔ بھارتی رپورٹ میں کہا گیا کہ وزیراعظم نے وسیم اکرم کو چیئرمین پی سی بی کیلئے اس لیے نہیں چُنا کیونکہ ماضی میں ان کو میچ فکسنگ کے الزام کا سامنا رہا تھا۔ اس لیے وزیراعظم ایک شفاف شخص جو کہ کرکٹ کو جانتا بھی ہو اس لے کر آنا چاہتے تھے.
