سابق بھارتی کرکٹر بابر کو کوہلی اور دیگر ایشیائی عظیم کھلاڑیوں سے زیادہ درجہ دیتے ہیں۔
دائیں بازو کا بلے باز وائٹ بال دونوں فارمیٹس میں چارٹ میں سرفہرست ہے اور ٹیسٹ کرکٹ کی درجہ بندی میں پانچویں نمبر پر ہے۔ سابق بھارتی کرکٹر محمد کیف کا خیال ہے کہ ان کی شاندار پرفارمنس کے باوجود ان کی کافی تعریف نہیں ہو رہی۔ کیف نے بابر کو ایشیا کا بہترین بلے باز قرار دیا۔
کیف کا کہنا تھا کہ ‘بابر اعظم بہت اچھا کھیل رہے ہیں اور مسلسل کارکردگی دکھا رہے ہیں، ان کی پرفارمنس کی خاطر خواہ تعریف نہیں کی جاتی، لیکن وہ پاکستان کے لیے ایک انمول اسٹار بن گئے ہیں’۔
پاکستانی ٹیم میں ٹیلنٹ کے حوالے سے پوچھے گئے سوال کا جواب دیتے ہوئے سابق کرکٹر نے کہا کہ ‘پاکستان کرکٹ میں حقیقی ٹیلنٹ موجود ہے، بابر اعظم موجود ہیں۔ مجھے شاہین آفریدی پسند ہے، وہ اچھا کام کر رہے ہیں۔ واضح رہے کہ آسٹریلیا کے خلاف حال ہی میں ختم ہونے والی سیریز میں بابر نے محمد یوسف، جنوبی افریقہ کے ہاشم آملہ اور بھارت کے سچن ٹنڈولکر جیسے کئی لیجنڈ بلے بازوں کا ریکارڈ توڑا۔
