طوفانی بیٹنگ، جنوبی افریقہ کا پاور پلے میں سب سے زیادہ رنز بنانے کا نیا ریکارڈ

1253

ویسٹ انڈیز کے خلاف تین ٹی20 میچز کی سیریز کے دوسرے میچ میں جنوبی افریقہ نے پاور پلے میں سب سے زیادہ رنز بنانے کا نیا ریکارڈ اپنے نام کر لیا ہے۔
اتوار کو سینچورین میں جنوبی افریقہ اور ویسٹ انڈیز کے مابین میچ میں دونوں ٹیموں کے بیٹرز کی جانب سے دھواں دھار بیٹنگ دیکھنے میں آئی۔
جنوبی افریقہ نے ٹاس جیت کر پہلے بولنگ کا فیصلہ کیا جس کے بعد ویسٹ انڈیز نے مقررہ اوورز میں پانچ وکٹوں کے نقصان پر 258 رنز بنا ڈالے۔

جنوبی افریقہ کی طرف سے بولنگ کرتے ہوئے مارکو یانسین نے تین اور وین پارنیل نے دو کھلاڑیوں کو آؤٹ کیا۔
259 رنز کے ہدف کے جواب میں جنوبی افریقہ کے بیٹرز بھی ویسٹ انڈین بولرز پر ٹوٹ پڑے۔
میزبان ٹیم کی جانب سے اوپنرز کوئنٹن ڈی کوک اور رِیزا ہینڈرکس نے بیٹنگ کرتے ہوئے پہلے چھ اوورز میں ہی بغیر کسی وکٹ کے نقصان پر 102 رنز بنا دیے۔

جنوبی افریقہ کا پاور پلے میں 102 رنز بنانا دنیائے کرکٹ میں نیا ریکارڈ ہے۔
اس سے قبل یہ ریکارڈ ویسٹ انڈٰیز کے پاس تھا جس نے 2021 میں کولیج میں سری لنکا کے خلاف ٹی20 کرکٹ میں پاور پلے میں 98 رنز بنائے تھے۔
جنوبی افریقہ کے بیٹر کوئنٹن ڈی کوک نے 15 گیندوں پر ففٹی رنز سکور کیے اور پھر 44 گیندوں پر آٹھ چھکوں اور نو چوکوں کی مدد سے 100 رنز سکور کیے۔